Toshkent shahar Yoshlar siyosati va sport bosh boshqarmasi tomonidan tasdiqlangan nizomiga asosan kuni kecha Toshkent shahar Yashnobod tumanida erkaklar va ayollar o‘rtasida sambo kurashi bo‘yicha Toshkent shahar chempionati o‘tkazildi. Ushbu musobaqada Toshkent shahrining barcha tumanlari va ta’lim muassasalaridan 150 ga yaqin sportchilar qatnashdilar.
Ushbu musobaqaga IIV Malaka oshirish instituti Kasbiy tayyorgarlik fakultetida ta’lim olayotgan sport to‘garagi a’zolaridan 12 nafar tinglovchilar ishtirok etib, 2 ta oltin, 5 ta kumush va 4 ta bronza medallarni qo‘lga kiritdilar.
11 nafar musobaqa g‘olib va sovrindori bo‘lgan tinglovchilarimiz Toshkent shahrida fevral oyida bo‘lib o‘tadigan O‘zbekiston chempionatiga yo‘llanmani qo‘lga kiritdilar. Ular institutimiz sha’nini himoya qiladilar.
IIV Malaka oshirish instituti Matbuot xizmati
