Mana oradan besh asrdan ortiq vaqt o‘tibdiki ulug‘ mutafakkir bobolarimiz, so‘z mulkining sultoni Alisher Navoiy hamda shoh va shoir Zahiriddin Muhammad Boburning boy ma‘naviy merosi butun dunyoni hayratga solib, insonlar qalbiga, ongu shuuriga ezgulik, insonparvarlik, saxovat va mehr-muruvvat nurini taratib kelmoqda. Shu kunlarda yurtimizda Alisher Navoiy tavalludining 584 hamda Zahiriddin Muhammad Bobur tavalludining 542 yilligi keng nishonlanmoqda.
Ichki ishlar vazirligi Malaka oshirish institutida ham “Navoiy va Bobur vorislari” nomli maʼnaviy-maʼrifiy tadbir o‘tkazildi. O‘quv kursi tinglovchilari ulug‘ ajdodlarimizning ibratli hayoti, boy ijodiy merosi haqida maʼlumotlar berdilar hamda ular ijrosida Navoiy va Bobur qalamiga mansub durdona g‘azallar, ruboiylar ijro etildi.
Ko‘rsatilgan sahna ko‘rinishlari esa barchada yaxshi taassurot qoldirdi.
Sakiyev Sardor Shuxratovich,
Institut boshlig‘ining yordamchisi,
mayor
