Ichki ishlar vazirligi Malaka oshirish institutida tahsil olayotgan boshlang‘ich kasbiy tayyorgarlik o‘quv kursi tinglovchilari o‘rtasida jismoniy tarbiya va sport sohasini rivojlantirish, ayniqsa, ularni ommaviy sportga jalb etish borasida tizimli ishlar amalga oshirilmoqda.
Jumladan, tinglovchilarning jismoniy tarbiya va sport bilan shug‘ullanishga bo‘lgan ishtiyoqini, sport sohasidagi bilimlarini oshirish maqsadida ular o‘rtasida “Sport bilimdonlari” intellektual o‘yini o‘tkazildi. Ushbu bellashuvda uchta jamoa aʼzolari ishtirok etdilar. Turnirni ochiq va shaffof o‘tkazish, jamoalarni kuzatib turish maqsadida betaraf nazoratchilar tanlab olindi.
O‘yin natijalariga ko‘ra, 79 ball to‘plab uchinchi o‘rinni Jazoni ijro etish xizmatidan tashkil etilgan “Temuriylar” jamoasi, 90 ball to‘plab ikkinchi o‘rinni patrul-post xizmati xodimlaridan iborat bo‘lgan “Patrul” jamoasi va 127 ball to‘plab birinchi o‘rinni sohaviy xizmat xodimlardan tashkil etilgan “Qalqon” jamoasi egalladilar.
Jamoalar munosib taqdirlandilar.
Institut Matbuot xizmati
