Ichki ishlar vazirligi Malaka oshirish institutida barcha tuman va shahar ichki ishlar organlari boshliqlarining jamoat xavfsizligi xizmati bo‘yicha o‘rinbosarlarining qisqa muddatli o‘quv kursi, Qarovul qo‘shinlari harbiy xizmatchilari hamda “podpolkovnik” maxsus unvoni olish uchun navbatdagi maxsus malaka oshirish o‘quv kurslari yakunlanishi munosabati bilan bitiruv tadbiri bo‘lib o‘tdi.

Tadbirda vazirlik mas’ullari, institut rahbariyati, xodimlari, faxriylar, keng jamoatchilik vakillari, ommaviy axborot vositalari tinglovchilarning ota-onalari va yaqinlari xodimlari ishtirok etdilar.

Tadbirda so‘zga chiqqanlar mamlakatimizda huquqbuzarliklar profilaktikasi va jinoyatchilikka qarshi kurashishning mutlaqo yangicha tizimi yaratilganini, ichki ishlar organlarini el-yurtimizning ishonchi va mehrini qozongan, tom ma’noda xalqparvar tizimga aylantirish hamda ichki ishlar organlari xodimlari va ularning oila a’zolarini ijtimoiy qo‘llab-quvvatlashga qaratilgan keng ko‘lamli islohotlar amalga oshirilayotganini ta’kidlab o‘tdilar.

Institut Matbuot xizmati