Ichki ishlar vazirligi Malaka oshirish institutida “Huquqni muhofaza qilish organlari harbiy xizmatchi va xodimlarining jismoniy va jangovar tayyorgarlik sifatlarini zamonaviy usullar va yangi talablar asosida shakllantirish” mavzusida respublika ilmiy-amaliy konferensiya bo‘lib o‘tdi.

Tadbirda vazirlik va idoralar mutasaddilari, sohaning taniqli mutaxassislari, oliy ta’lim muassasalari vakillari, shuningdek, huquqni muhofaza qilish organlari xodimlari ishtirok etdi. Konferensiya doirasida jismoniy va jangovar tayyorgarlikning zamonaviy standartlarini joriy etish, xizmatchilarning kasbiy mahorat va tayyorgarlik darajasini yanada oshirish, xalqaro tajribani amaliyotga tatbiq etish masalalari batafsil muhokama qilindi.

Mutaxassislar tomonidan taqdim etilgan ma’ruzalar va amaliy tavsiyalar Ichki ishlar organlarida xizmatni samarali tashkil etish, xodimlarning jismoniy imkoniyatlari hamda jangovar tayyorgarligini yangi bosqichga ko‘tarishga xizmat qilishi ta’kidlandi.

Konferensiya yakunida sohadagi amaliy hamkorlikni kuchaytirish, o‘quv-metodik bazani takomillashtirish hamda innovatsion o‘qitish texnologiyalarini keng joriy etish bo‘yicha tegishli taklif va tavsiyalar ishlab chiqildi.

Institut Matbuot xizmati