Ichki ishlar vazirligi Malaka oshirish institutida mamlakatimizning mustaqillikka erishganiga 34 yil to‘lishi munosabati bilan tantanali bayram tadbiri bo‘lib o‘tdi. "Vatan uchun, millat uchun, xalq uchun!" shiori ostida tashkil etilgan ushbu tadbir yurtga bo‘lgan sadoqat, milliy qadriyatlarga ehtirom va fidoyilik g‘oyalarini yanada mustahkamlashga qaratildi.
Tadbirda institut rahbariyati, professor-o‘qituvchilar va xodimlar ishtirok etdi. Tadbirda istiqlolning tarixiy ahamiyati, Ichki ishlar organlarining mustaqillik davrida tutgan o‘rni va bugungi kundagi burchi haqida so‘z yuritildi.
Shundan so‘ng, Institut boshlig‘i, polkovnik Olimjon Axmedov tomonidan o‘z xizmat burchiga mas’uliyat bilan yondoshib, jangovar va kasbiy tayyorgarlik mashg‘ulotlarida safdoshlariga o‘rnak bo‘lib kelayotgan professor-o‘qituvchilar va xodimlar bayram munosabati bilan Ichki ishlar vaziri va Institut boshlig‘i buyrug‘i bilan rag‘batlantirilgan mukofotlar topshirildi.
Bunday tadbirlar orqali xizmat burchini ado etayotgan xodimlarda yurtga muhabbat, halollik va mas’uliyat tuyg‘usi yanada kuchayadi.
Institut Matbuot xizmati
