Ichki ishlar vazirligi Malaka oshirish instituti Kasbiy tayyorgarlik fakulteti “Maxsus operatsiyalarni amalga oshirish faoliyati” yo‘nalishida tahsil olayotgan tinglovchilar bilan O‘zbekistonda xizmat ko‘rsatgan murabbiy, “Karate” sport turi bo‘yicha Xalqaro toifadagi sport ustasi, professor Shuhrat Arslonov hamda “Mard o‘g‘lon” medali sohibi, “Qo‘l jangi” sport turi bo‘yicha Xalqaro toifadagi sport ustasi, 2 karra Jahon chempioni katta leytenant Jahongir Jumayevlar bilan “Mardlar qo‘riqlaydi Vatanni!” shiori ostida “Uch avlod uchrashuvi” maʼnaviy-maʼrifiy tadbiri bo‘lib o‘tdi.
Suhbat davomida ular tinglovchilarga o‘zining hayot yo‘llari, tajribalari, jahon arenalarida O‘zbekiston sharafini himoya qilishga tayyorgarlik jarayonlaridagi uchragan qiyinchiliklarni yengib o‘tishdagi irodasi va matonati to‘g‘risidagi fikr-mulohazalari tinglovchilarda yaxshi taassurot qoldirdi.
Uchrashuv ochiq muloqot tarzida bo‘lib, qizg‘in savol javoblar tadbirni yana-da ko‘tarinki kayfiyatga olib chiqdi. Mehmonlar sport sohasida yutuqlarga erishib kelayotgan tinglovchilarga omad tiladi va o‘z tavsiyalarini berdi.
Institut Matbuot xizmati
