Avval xabar berganimizdek, Koreya Respublikasi Markaziy Politsiya Akademiyasida Koreya xalqaro hamkorlik tashkiloti (KOICA)ning “O‘zbekiston Respublikasi Ichki ishlar vazirligi Malaka oshirish institutida Simulyatsiyalashgan o‘quv markazini tashkil etish bo‘yicha salohiyatni oshirish” loyihasi doirasida IIV va Malaka oshirish instituti xodimlari uchun tashkil etilgan o‘quv kursi davom etmoqda.
Trening dasturiga muvofiq, Koreya politsiyasiga qabul qilingan xodimlarni elektroshokerdan foydalanishni o‘rgatish, Koreyada xotin-qizlar va voyaga etmaganlar jinoyatlarini tergov qilish va jabrlanuvchilarni himoya qilish tizimining joriy etilishi, “Kungaboqar markazi” (Jinsiy zo‘ravonlik qurbonlarini qo‘llab-quvvatlash markazi) mavzularida mashg‘ulotlar olib borilmoqda. Ko‘zlangan maqsad Koreya xotin-qizlar va bolalarga nisbatan zo‘ravonlikning oldini olish borasida ilg‘or tajribalarini o‘rganishga qaratilgan.
Institut Matbuot xizmati
