Zotdor itlarning xalqaro ko‘rgazmasi
21.05.2025
75 marta ko'rilgan
Ichki ishlar vazirligi Malaka oshirish instituti va “HAPPY ANIMALS” MChJ hamkorligida institut saf maydonida barcha turdagi zotdor itlarning “Vesenniy blyuz – 2025” xalqaro ko‘rgazmasi o‘tkazildi.
Unda xalqaro toifadagi ekspertlar guruhi ishtirok etdi. Ko‘rgazmada Toshkent shahar IIBB Kinologiya xizmati, Jamoat xavfsizligi universiteti pitomnigi tomonidan taqdim etilgan nemis ovcharkasi, malinua, Sharqiy Yevropa ovcharkasi zotlariga mansub xizmat itlari faxrli 1-o‘rinni egalladi.
WSHSA tizimida 7 ta tur bo‘yicha 100 dan ortiq zotdor itlar orasida g‘oliblarga medal, kubok, diplom va qimmatbaho sovg‘alar topshirildi.
Institut matbuot xizmati
