Bugun, O‘zbekiston Respublikasi Oriental universiteti va O‘zbekiston Respublikasi Ichki ishlar vazirligi Malaka oshirish instituti o‘rtasida o‘zaro hamkorlik to‘g‘risidagi memorandumi imzolandi.
Unda Institut boshlig‘i, texnika fanlari nomzodi, dotsent Olimjon Axmedov va Universitet rektori, professor Nozimjon Mamataxunovlar ishtirok etdilar.
Mazkur memorandum kelgusida o‘zaro manfaatli sohalarda taʼlim va ilmiy hamkorlikni amalga oshirish, professor-o‘qituvchilar va tinglovchilar ishtirokida qo‘shma o‘quv treninglar, ilmiy simpoziumlar, seminarlar va konferensiyalar tashkil etish, o‘quv-uslubiy ishlarni olib borish va ilmiy tadqiqotlar o‘tkazish maqsadida professor-o‘qituvchilar, maʼmuriy va ilmiy xodimlarni almashish, o‘quv materiallari va dasturlarini birgalikda ishlab chiqish, qo‘shma ochiq darslar va mahorat darslarini o‘tkazish, nashrlar, o‘quv-uslubiy, ilmiy-uslubiy adabiyotlar va tadqiqot materiallari, shuningdek dastur va loyihalarda birgalikda ishtirok etishga qaratilgan.
Shuningdek, tadbirda vazirlik buyrug‘iga asosan Malaka oshirish institutining bir guruh xodimlari Navro‘z umumxalq bayram munosabati bilan munosib taqdirlandilar.
Institut Matbuot xizmati
