Ichki ishlar vazirligi Malaka oshirish instituti tinglovchilari bilan “Ovqatdan zaharlanish va ularning profilaktikasi” mavzusida davra suhbati o‘tkazildi.
Tadbirda vazirlik markaziy poliklinikasi shifokor-mutaxassislari tomonidan ovqatdan zaharlanish -tarkibida organizm uchun zaharli moddalar bo‘lgan ovqatni iste’mol qilganda rivojlanadigan kasallik ekanligi, u 2 guruhga bo‘linishi: bakteriyalar tushmagan ovqatdan zaharlanish va bakteriyalar tushgan ovqatdan zaharlanish – ovqat toksikoinfeksiyalari, ovqat mahsulotlaridan zaharlanish belgilari odatda bir-ikki soatdan keyin namoyon bo‘lib, ko‘ngil aynishi, qayt qilish, ich ketishi, qorindagi va boshdagi og‘rishlar bilan kechishi, umumiy holsizlik paydo bo‘lishi, oziq mahsulotlaridan zaharlanishda ko‘rsatiladigan birinchi yordam to‘g‘risida batafsil ma’lumotlar berildi.
Mutaxassisning ta’kidlashicha, ovqatdan zaharlanishning oldini olishda berilgan tavsiyalarga qat’iy rioya qilish zarur.
Davra suhbati davomida tinglovchilar o‘zlarining qiziqtirgan savollariga javoblar oldilar.
Institut Matbuot xizmati
