Ichki ishlar vazirligi Malaka oshirish institutida tashkil kilingan "Fuqarolar bilan ishlash moduli"da PPX yo‘nalishi bo‘yicha tahsil olayotgan 4-guruh tinglovchilari bilan "Jinoyat yoki ma’muriy huquqbuzarlik sodir etilgan hodisa joyini saqlanishini ta’minlashda yuzaga keladigan muammoli vaziyatlar" mavzusi bo‘yicha Maxsus kasbiy fanlar kafedrasi katta o‘qituvchisi, podpolkovnik Nodir Odilov tomonidan ochiq amaliy mashg‘ulot o‘tkazildi.
Ochiq mashg‘ulotda tinglovchilarning amaliyot va nazariyani uyg‘unlashtirgan holda bilim va ko‘nikmalari shakllantirildi. Mashg‘ulotda institut professor-o‘qituvchilari ham ishtirok etishdi.
Mashg‘ulot avvalida o‘qituvchi tinglovchilarga jinoyat yoki ma’muriy huquqbuzarlik bo‘yicha tushunchalar berish bilan boshladi. Shuningdek, jinoyat yoki ma’muriy huquqbuzarlik sodir etilgan hodisa joyini saqlanishini ta’minlashda yuzaga keladigan muammoli vaziyatlar tushuntirildi. Amaliy mashg‘ulot tinglovchilar va o‘qituvchi o‘rtasida o‘zaro fikr-almashinib, savol-javob tarzida qiziqarli o‘tkazildi.
Institut Matbuot xizmati
