O‘qituvchilarimiz sovrindor bo‘ldi
Joriy yilning 22-23- mart kunlari Toshkent shahar Yashnabod tumani bolalar-o‘smirlar sport maktabida Sport ustalari o‘rtasida sportning sambo turi bo‘yicha Respublika turniri bo‘lib o‘tdi. Musobaqada viloyatlar va Toshkent shahridan 100 nafarga yaqin sportchilar ishtirok etdilar.
Musobaqada IIV Malaka oshirish instituti Jangovar va jismoniy tayyorgarlik sikl katta o‘qituvchisi, mayor Isroil Bo‘tayev 71 kg vazn toifasida faxrli uchinchi o‘rinni egallab, bronza medalini hamda Jangovar va jismoniy tayyorgarlik sikl boshlig‘i, podpolkovnik Murodxon To‘rayev 79 kg vazn toifasida faxrli ikkinchi o‘rinni egallab, kumush medalni qo‘lga kiritdilar.
Musobaqa g‘olib va sovrindorlari joriy yilning aprel oyida bo‘lib o‘tadigan “Osiyo-Okeaniya” chempionatida O‘zbekiston terma jamoasi safida ishtirok etish huquqga ega bo‘ldilar.
Institut Matbuot xizmati
