Yurtimiz osoyishtaligi yo‘lida uzoq yillar samarali xizmat qilib, hurmat-ehtirom ila pensiyaga chiqish har bir xodimning orzusi. IIV Malaka oshirish instituti Maxsus-fanlar kafedrasi katta o‘qituvchisi, podpolkovnik Murtaza Achilov ham ana shunday fidoyi, jonkuyar xodimlardan biridir.
Podpolkovnik M.Achilov ko‘p yillar davomida Ichki ishlar organlarida turli lavozimlarda xizmat qilib bir qator shogirdlarga ustozlik qildi.
Kuni kecha u jamoadoshlarimiz tomonidan izzat-ikrom bilan nafaqaga kuzatildi. Tadbirda so‘z olganlar o‘zlarining samimiy va ezgu tilaklarini izhor etdilar. Unga institut jamoasi nomidan ko‘p yillik mehnatlari uchun minnatdorlik bildirilib, milliy zar chopon, do‘ppi, belbog‘ va qimmatbaho esdalik sovg‘alar topshirildi.
IIV Malaka oshirish instituti Matbuot xizmati
