Ichki ishlar vazirligi Malaka oshirish institutida Idoraviy harbiylashtirilgan qo‘riqlash xizmati xodimlari uchun tashkil etilgan navbatdagi o‘quv kursi muvaffaqiyatli yakunlandi.

Kurs davomida tinglovchilarga xizmat faoliyatini huquqiy jihatdan tartibga soluvchi meʼyoriy-huquqiy hujjatlar, jamoat tartibini saqlash va obyektlar xavfsizligini taʼminlashning zamonaviy usullari, jangovar va jismoniy tayyorgarlik mashg‘ulotlari, axborot-kommunikatsiya texnologiyalaridan samarali foydalanish bo‘yicha nazariy va amaliy bilimlar berildi.

O‘quv kursi yakunida tinglovchilarga belgilangan namunadagi sertifikatlar topshirildi. Tadbirda so‘zga chiqqanlar tomonidan sohada olib borilayotgan islohotlar, xizmat samaradorligini yana-da oshirishdagi ustuvor vazifalar alohida taʼkidlab o‘tildi.

 Institut Matbuot xizmati