Ichki ishlar vazirligi Malaka oshirish instituti Psixologik ta’minlash guruhi bosh psixologi, leytenant M.D. Mirkomilov va Toshkent shahridagi Rossiya davlat pedagogika universiteti A.I. Gertsen nomidagi filiali 4-kurs talabasi S.B. Mirzaahmedova hamkorlikda tinglovchilar bilan metaforik assotsiativ kartalardan (MAK) kasbiy refleksiya vositasi sifatida foydalanishga bag‘ishlangan binar shakldagi amaliy seminar-trening tashkil etildi.

Mazkur seminar davomida tinglovchilarga MAK kartalarning psixologik amaliyotdagi o‘rni, ulardan foydalanish metodikasi, afzalliklari hamda ularni voyaga yetmaganlar bilan ishlash jarayonida qo‘llash imkoniyatlari haqida ma’lumot berildi. Shuningdek, “Men – professionalman” reflektiv mashqi asosida tinglovchilarning kasbiy o‘zligini anglash, ichki resurslarini aniqlash va kasbiy rivojlanish yo‘nalishlarini belgilashga qaratilgan amaliy mashqlar o‘tkazildi.

Seminar-trening tinglovchilarning kasbiy kompetensiyalarini rivojlantirish, refleksiya ko‘nikmalarini mustahkamlash va psixologik amaliyot samaradorligini oshirishga xizmat qildi.

Institut Matbuot xizmati