Ichki ishlar vazirligi Malaka oshirish instituti Kasbiy tayyorgarlik fakulteti “Maxsus operatsiyalarni amalga oshirish faoliyati yo‘nalishi bo‘yicha ta’lim olayotgan” tinglovchilar o‘rtasida Institut bilan Toshkent shahar IIBB TVBSB sport bazasida umumxalq bayrami – Navro‘zi olamga bag‘ishlab sportning “Futbol”, “Harbiy sport o‘yinlari” hamda “Tosh ko‘tarish” turlari bo‘yicha musobaqa o‘tkazildi.
"Sportni sev, sport bilan yasha” shiori ostidagi mazkur musobaqa qizg‘in kurashlar ostida kechdi.
Musobaqa yakunida Futbol sport turi bo‘yicha 8-guruhning “Qalqon” jamoasi 1-o‘ringa munosib topildi. 7-guruhning “Lochinlar” jamoasi 2-o‘rinni va 6-guruhning “Burgutlar” jamoasi tinglovchilari 3-o‘rinni egalladilar.
Harbiy sport o‘yinlari estafeta bo‘yicha 6-guruh “Burgutlar” jamoasi 1-o‘rinni, 7-guruh “Lochinlar” jamoasi 2-o‘rinni va 8-guruh “Qalqon” jamoasi tinglovchilari z-o‘rinni qo‘lga kiritdilar.
Tosh ko‘tarish sport turi bo‘yicha (24 kg) 7-guruhning “Lochinlar” jamoasiga 1-o‘rin, 6-guruhning “Burgutlar” jamoasiga 3-o‘rin, 8-guruhning “Qalqon” jamoasi tinglovchilariga 3-o‘rin nasib qildi.
Musobaqa yakunida g‘olib jamoalar taqdirlandilar.
IIV Malaka oshirish instituti Matbuot xizmati
