Ichki ishlar vazirligi Malaka oshirish instituti Olmaliq shahar o‘quv bazasida Kasbiy tayyorgarlik fakultetida “Maxsus operatsiyalarni amalga oshirish faoliyati” yo‘nalishida tahsil olayotgan 6-guruh tinglovchilari bilan “Balandlik tayyorgarligi” o‘quv kursidan Toshkent viloyati IIBB 1-MMM TVBSOning Jangovar tayyorgarlik bo‘yicha o‘rinbosari, mayor X.N.O‘rinxodjaev bilan hamkorlikda binar o‘quv mashg‘uloti tashkillashtirildi.
Mashg‘ulot davomida maxsus operatsiyalarni amalga oshiruvchi safarbarlik otryadlardagi xodimlari uchun zarur bo‘lgan tayyorgarlikni ta’minlash, xususan balandliklarda maxsus operativ vazifalarni bajarishda yuqori darajadagi jangovar tayyorgarlikka ega bo‘lishi, balandliklarga chiqish va tushish texnikasi, balandliklarda qurol va maxsus vositalar bilan harakatlanish va qutqaruv ishlarini olib borish texnikasini o‘rganish masalalari atroflicha yoritildi.
IIV Malaka oshirish instituti Matbuot xizmati
