Bugun Ichki ishlar vazirligi Malaka oshirish institutida boshlang‘ich kasbiy tayyorgarlik o‘quv kursi tinglovchilarning qasamyod qabul qilish tantanali marosimi o‘tkazildi.
Tadbirda Institut rahbariyati, professor-o‘qituvchilar, tinglovchilarning ota-onalari va ommaviy axborot vositalari xodimlari ishtirok etdi.
Tantanada so‘zga chiqqan Institut boshlig‘i, polkovnik Olimjon Axmedov tinglovchilarni qasamyod qabul qilganliklari munosabati bilan tabriklab, ushbu tantanali tadbir faxr va iftixor tuyg‘ularini uyg‘otish bilan bir qatorda, ulkan masʼuliyat va tanlagan kasbiga sodiqlikni ham talab etishini alohida taʼkidladi.
Zero, el osoyishtaligini taʼminlash va huquqbuzarliklarning oldini olish – bu albatta beqiyos insoniy fazilat va eng sharafli xizmatdir.
Institut Matbuot xizmati
