Предыдущий Следующий

     Bugun Payariq tumanida O‘zbekiston Respublikasi Ichki ishlar vazirligining ishchi guruhi ishtirokida jinoyatchilikka qarshi kurashish va uning oldini olish, aholi osoyishtaligini taʼminlash borasidagi ishlar muhokamasiga bagʻishlangan yigʻilish oʻtkazildi.

     Unda ishchi guruhi a’zosi Vazirlik Malaka oshirish instituti Maxsus-kasbiy fanlar sikli boshlig‘i A.S.Vaxidov tomonidan Prezidentimizning “2025 yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida”gi qarorining mazmun-mohiyati hokimlik va mahalla yettiligi vakillariga tushuntirildi.

     Tuman hokimligida o‘tkazilgan uchrashuvda qizil toifadagi mahallalar yettiligi tahlil qilindi va mazkur hududlarda xavfsizlik choralarini kuchaytirish bo‘yicha muhim vazifalar belgilab olindi.

    Yig‘ilishda “Havfsiz hudud” tamoyilini jadallik bilan amalga oshirish, jamoat xavfsizligini ta’minlash, huquqbuzarliklarni oldini olish hamda profilaktika ishlarini kuchaytirish zarurligi ta’kidlandi.

       Shuningdek, mahalliy aholi bilan hamkorlikda ish olib borish mexanizmlari muhokama qilindi.

      Mazkur uchrashuv doirasida ishchi guruh va mahalliy rahbarlar tomonidan ijtimoiy xavfsiz muhitni ta’minlash maqsadida amalga oshiriladigan chora-tadbirlar rejasi ishlab chiqildi.