Ichki ishlar vazirligi Malaka oshirish instituti va “O‘zbekgidroenergo” aksiyadorlik jamiyati bilan tasdiqlangan qo‘shma «Idoraviy harbiylashtirilgan qo‘riqlash xizmati xodimlarini tayyorlov kursi bo‘yicha» o‘quv dasturi asosida Idoraviy harbiylashtirilgan qo‘riqlash xizmati xodimlari uchun tizimli ravishda tayyorlov kurslari bo‘lib o‘tmoqda.
Idoraviy harbiylashtirilgan qo‘riqlash xizmati xodimlarini tayyorlov kurslarida ularning jismoniy va jangovar tayyorgarliklarini mustahkamlash bilan bir qatorda, bu sohada o‘z bilim va ko‘nikmalarini zamonaviy talablar asosida rivojlantirib borilishiga alohida e’tibor qaratilmoqda. Xodimlarning jangovar tayyorgarliklarini mustahkamlash, oldilariga qo‘yilgan vazifalarni a’lo darajada bajarishlari uchun vazirlikning amaldagi buyruq talablariga muvofiq vazirlik O‘quv-dala markazida amaliy o‘q otish mashqlari o‘tkazildi.
O‘q otish mashg‘ulotida xodimlar Makarov pistoletidan o‘q otish borasidagi nazariy bilimlarini amaliyotda bajardilar. Jumladan, quroldan foydalanish, masofadan o‘q otish, mo‘ljal olish va o‘qotar quroldan mohirona foydalanish uchun zarur bo‘lgan amaliy ko‘nikmalar orttirdilar.
Institut Matbuot xizmati
