Ichki ishlar vazirligi Malaka oshirish instituti Olmaliq shahar o‘quv bazasida Kasbiy tayyorgarlik fakultetida tahsil olayotgan tinglovchilar bilan ko‘p yillik amaliy tajribaga ega bo‘lgan Toshkent viloyati IIBB 4-MMM TVBSO MMIB o‘rinbosari, mayor Farrux Jumaev va TVBSO ishg‘ol qilish guruhining xodimi, kichik serjant M. Umarov bilan birgalikda “Maxsus operasiyalarni amalga oshirish faoliyati” yo‘nalishida tahsil olayotgan tinglovchilar bilan “Ekstremal vaziyatlarda sovuq qurol bilan hujum qilganda himoyalanish va qurolsizlantirish” usullari mavzusida davra suhbati o‘tkazildi.
Tadbirda amaliyot xodimlari tomonidan mavzuga oid holatlar bo‘yicha amaliy mashqlar orqali ko‘rsatib berildi, hamda tinglovchilarda yuzaga keladigan turli vaziyatlarda to‘g‘ri qaror qabul qilish ko‘nikmalari shakllantirildi.
Davra suhbati chog‘ida ekstremal vaziyatlarda sovuq qurol bilan hujum qilganda himoyalanish va qurolsizlantirish to‘g‘risida tushuntirishlar shuningdek tinglovchilarning savollariga mutaxassislar tomonidan aniq javoblar berildi.
IIV Malaka oshirish instituti Matbuot xizmati
