Tinglovchilarning kelgusi xizmatlarida ulkan zafarlar tilaymiz!
Ichki ishlar vazirligi Malaka oshirish institutida Ichki ishlar organlarida uzluksiz o‘quv-karera jarayoni tizimi asosida kadrlarni tayyorlash bo‘yicha navbatdagi maxsus malaka oshirish o‘quv kurslarida Ichki ishlar organlarining barcha darajadagi bo‘lim boshliqlari, tuman (shahar) ichki ishlar organlari boshlig‘ining o‘rinbosarlari lavozimiga tayinlash uchun 40 nafar xodimlar va ichki ishlar organlarining turli sohaviy xizmatlaridan 160 nafar ziyod xodimlar “podpolkovnik” maxsus unvonini olish yo‘nalishida hamda “katta serjant” maxsus unvonini berish uchun 12 nafar xodim o‘quv tayyorgarlikdan o‘tkazildi.
O‘quv mashg‘ulotlari Institut professor-o‘qituvchilari hamda vazirlik soxaviy xizmatlari bilan hamkorlikda zamon talablari asosida ishlab chiqilgan o‘quv dasturlari asosida aloqa va axborot texnologiyalaridan keng foydalangan holda interfaol usullarda olib borildi.
O‘quv kursi yakunida o‘tkazilgan sinov va imtihonlarni muvaffaqiyatli tamomlagan tinglovchilarga belgilangan namunadagi sertifikatlar topshirildi.
Tadbirda so‘zga chiqqan tinglovchilar bugungi sertifikat va oladigan navbatdagi “podpolkovnik” va “katta serjant” maxsus unvon katta mas’uliyat yuklashini ta’kidlab, o‘quv kursi davomida o‘rganganlari xizmat faoliyatida samara berishini e’tirof etdilar.
Ichki ishlar vazirligi Malaka oshirish instituti
Matbuot xizmat
