Предыдущий Следующий

     Ichki ishlar vazirligi Malaka oshirish instituti rahbariyati, professor-o‘qituvchilari hamda Ichki ishlar organlarining barcha darajadagi bo‘lim boshliqlari, tuman (shahar) ichki ishlar organlari boshlig‘ining o‘rinbosarlari lavozimiga tayinlash uchun kasbiy bilim va ko‘nikmalarini oshirish bo‘yicha malaka oshirish o‘quv kursi tinglovchilari bayram munosabati bilan Bektemir tumanida joylashgan 574-sonli “Quvonch” nomli ko‘p tarmoqli ixtisoslashtirilgan maktabgacha ta’lim tashkilotida bo‘lib, ushbu muassasa tarbiyalanuvchilarining ahvolidan xabar olish bilan bir qatorda, bolajonlarni bugungi ayyom bilan qutladilar.

      Shundan so‘ng, institut professor-o‘qituvchilari va tinglovchilar bilan birgalikda bolajonlar turli o‘yinlar o‘ynadilar.

      1 iyun – Xalqaro bolalarni himoya qilish kuni munosabati bilan maktabgacha ta’lim muassasasida o‘tkazilgan tadbir ko‘tarinki ruhda o‘tdi. Institut xodimlari va tinglovchilari tashabbusi bilan tashkil etilgan  turli xil o‘yinchoqlar jamlanmasidan iborat sovg‘alar tarbiyalanuvchilarga berilib, ularga xush kayfiyat ulashildi. Ko‘rsatilgan mehr-muruvvat, qaratilgan e’tibor sabab  murg‘ak va beozor qalblarning yuzida quvonch barq urib, ko‘zlarida ertangi kunga bo‘lgan ishonch yanada oshdi.

         E’tibordan mamnun bo‘lishgan bolajonlar, yangragan kuy-qo‘shiqlarga tinglovchilar bilan birga raqsga tushdilar. Bu tadbirga tashrif buyurgan barchani, jumladan ota-onalarni ham mamnun qildi.

Albatta, maktabgacha ta’lim muassasasida tarbiyalanayotgan bolajonlarning quvonch-u shodliklari, sevinishlari tarbiyachilarga kuch va bardamlik baxsh etdi.  

IIV Malaka oshirish instituti Matbuot xizmati