O‘zbekiston Respublikasi Prezidentining 2023 yil 20 yanvar kunidagi “Ichki ishlar organlarini xalqchil professional tuzilmaga aylantirish va aholi bilan yanada yaqin hamkorlikda ishlashga yo‘naltirish bo‘yicha qo‘shimcha chora-tadbirlar to‘g‘risida”gi qarori talablari ijrosini ta’minlash maqsadida 2023 yilning 1 sentabr kunidan Huquqbuzarliklar profilaktikasi, Yo‘l-patrul va Patrul-post xizmati bo‘linmalari xodimlarini “Fuqarolar bilan ishlash moduli” bo‘yicha o‘qitish tizimi joriy etilgan.
Mazkur qaror talablari asosida Ichki ishlar Vazirligi Malaka oshirish institutida umumiy va maxsus modullar bo‘yicha an’anaviy shaklda uzluksiz o‘qitishni tashkil etish va profilaktika inspektorlarining xizmat jarayonida fuqarolar bilan muloqot jarayonida yuzaga keladigan muammoli situatsion vaziyatlar bo‘yicha amaliy dars mashg‘ulotlari olib borilmoqda.
Profilaktika inspektorlarining fuqarolar bilan bo‘lgan turli ziddiyatli vaziyatlarda, muloqat jarayonida, ularning muammolarni o‘z vaqtida hal etish va qonuniy yechimini topishda institutning malakali professor o‘qituvchilar tomonidan tushuntirilmoqda.
Jumladan, huquqbuzarliklar profilaktikasi yo‘nalishida malaka oshirayotgan tinglovchilarga amaliy mashg‘ulotlar olib borildi. Mashg‘ulotda O‘zbekiston Respublikasi MJtKning 72-moddasi: Suv resurslarini muhofaza qilish qoidalarini buzish, suvlarni ifloslantirish yoki bulg‘atish, suv to‘plagich inshootlarida suvni muhofaza qilish rejimini buzish, shuningdek suv ob’ektlariga oqindi suvlarni oqizishga yo‘l qo‘yish shartlari to‘g‘risidagi talablarni buzish bilan bog‘liq huquqbuzarliklar sodir etgan shaxslarni bilan ishlash, hamda O‘zbekiston Respublikasi MJtKning 191-modda: Qimor va tavakkalchilikka asoslangan boshqa o‘yinlar, qimor va tavakkalchilikka asoslangan boshqa o‘yinlarda qonunga xilof ravishda ishtirok etish va boshqa ma’muriy huquqbuzarliklar yuzasidan xodimlar o‘zlari amaliy ko‘rsatib berildi va mashg‘ulot jarayonlari yuqori saviyada Maxsus kasbiy fanlar kafedrasi katta o‘qituvchilari, podpolkovniklar T.G‘ozibekov va F.Sh.Xidirovlar tomonidan o‘tkazildi.
Mazkur mashg‘ulot davomida modul tinglovchilari o‘zlarining qiziqtirgan savollariga javoblar oldilar.
IIV Malaka oshirish instituti Matbuot xizmati
