Ichki ishlar vazirligi Malaka oshirish instituti Jangovar tayyorgarlik sikli professor-o‘qituvchilari tashabbusi bilan yoshlarni Vatanparvarlik ruhida tarbiyalash, ichki ishlar organlarida xizmat qilishga qiziqtirish maqsadida Toshkent shahar Bektemir tumanining 291 va 293-o‘rta umumta’lim maktabining bitiruvchi sinf o‘quvchilariga institutda ochiq eshiklar kuni tashkil etildi.
Ochiq eshiklar kuni Institutning boshlang‘ich tayyorgarlik o‘quv kursi tinglovchilarining bitiruv marosimi munosabati bilan tashkil etildi. Tadbirni o‘tkazishdan maqsad yoshlarni harbiy-vatanparvarlik ruhida tarbiyalab, ichki ishlar organlari xodimlari uchun yaratilgan imkoniyatlar, sohadagi yutuqlar, xodimlarning faoliyatda erishgan yutuqlari bilan yaqindan tanishtirishdan iborat.
Shu bilan birgalikda, maktab o‘quvchilariga Institutda o‘quv jarayonini tashkil etilishi, auditoriyalar va tinglovchilarni o‘qitish jarayoni hamda o‘quv mashg‘ulotlari o‘tkazilishi tanishtirildi.
Tadbir davomida maktab o‘quvchilari institutda tashkil etilgan zamonaviy elektron tir bilan ham tanishdilar va har bir o‘quvchi elektron tirda o‘q otish mashg‘ulotini bajarib ko‘rdi.
Tadbir o‘quvchilarda katta taassurot qoldirdi.
IIV Malaka oshirish instituti Matbuot xizmati
