Ichki ishlar vazirligi Malaka oshirish institutida Ichki ishlar organlari tizimida ko‘p yillar samarali faoliyat ko‘rsatgan hamkasblarimizdan bir guruhi nafaqaga kuzatildi.
Kuni kecha Test markazi boshlig‘i, podpolkovnik Doniyor Toshpo‘latov va Qo‘riqlash guruhi xodimi katta serjant Nodir Abdullaevlar institut rahbariyati va shaxsiy tarkibi tomonidan izzat-ikrom bilan nafaqaga kuzatildi.
Tadbirda so‘z olganlar o‘zlarining samimiy va ezgu tilaklarini izhor etdilar. Ularga institut jamoasi nomidan ko‘p yillik mehnatlari uchun minnatdorlik bildirilib, milliy zar chopon, do‘ppi, belbog‘ va qimmatbaho esdalik sovg‘alar topshirildi.
IIV Malaka oshirish instituti Matbuot xizmati
