Ички ишлар вазирлиги Малака ошириш институтига қарашли Олмалиқ шаҳар ўқув базасида Касбий тайёргарлик факультетида таҳсил олаётган тингловчилар билан “Баландлик тайёргарлиги” ўқув курсидан “Баландликларга чиқиш ва тушиш техникаси ҳамда анжомларни ташвиш қопларга жойлаштириш” мавзусида Тошкент шаҳар ИИББ ТВБСБнинг Жанговар тайёргарлик бўйича катта мутахассиси, майор Ш.К. Хожаниёзов иштирокида бинар ўқув машғулоти ўтказилди.
Машғулот давомида тингловчиларга тоғ тўсиқларидан ошиб ўтишнинг энг оқилона техникаси, хавфсизликни таъминлаш усуллари, ўз хавфсизлигини ўзи таъминлаш, анжомлардан тўғри фойдаланиш, ташвиш қопларни жиҳозлаш ҳамда баландликларга чиқиш ва тушиш техникаси масалалари атрофлича ёритилди.
ИИВ Малака ошириш институти Матбуот хизмати
