Аввал хабар берганимиздек, Ўзбекистон Республикаси Ички ишлар вазирлиги Малака ошириш институтида “Суд экспертизаси ва жиноятларни тергов қилишда сунъий интеллектни қўллаш” мавзусида ўтказилаётган халқаро ўқув курси ўз якунига етди.
Корея Республикаси Миллий суд экспертизаси хизматининг етакчи олимлари томонидан олиб борилган машғулотларда ички ишлар органларининг Експерт-криминалистика хизмати ходимлари, Малака ошириш институти ва Академия профессор-ўқитувчилари иштирок этдилар.
Уч кун давом этган тадбирда мутахассислар томонидан суд экспертлик фаолиятининг замонавий имкониятлари ва криминалистик кўздан кечиришнинг ечимлари, сунъий интеллект ва тасвир бўйича экспертизанинг усуллари илғор тажрибалар асосида тушунтирилди.
Халқаро ўқув курсининг ёпилиш маросимида ИИВ Малака ошириш институти бошлиғи, полковник О.Т. Ахмедов ва Корея Республикаси КОФО консалтинг ва таълим ташкилоти директори, ИИВ Малака ошириш институти фахрий профессори Жонг-Сеок Сео иштирокчиларни муборакбод этиб, сертификат ва эсдалик совғаларини топширдилар.
Институт Халқаро бўлими
