Предыдущий Следующий

     Бугун Пайариқ туманида Ўзбекистон Республикаси Ички ишлар вазирлигининг ишчи гуруҳи иштирокида жиноятчиликка қарши курашиш ва унинг олдини олиш, аҳоли осойишталигини таъминлаш борасидаги ишлар муҳокамасига бағишланган йиғилиш ўтказилди.

    Унда ишчи гуруҳи аъзоси Вазирлик Малака ошириш институти Махсус-касбий фанлар цикли бошлиғи A.C.Вахидов томонидан Президентимизнинг “2025 йилда республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида”ги қарорининг мазмун-моҳияти ҳокимлик ва маҳалла еттилиги вакилларига тушунтирилди.

    Туман ҳокимлигида ўтказилган учрашувда қизил тоифадаги маҳаллалар еттилиги таҳлил қилинди ва мазкур ҳудудларда хавфсизлик чораларини кучайтириш бўйича муҳим вазифалар белгилаб олинди.

    Йиғилишда “Хавфсиз ҳудуд” тамойилини жадаллик билан амалга ошириш, жамоат хавфсизлигини таъминлаш, ҳуқуқбузарликларни олдини олиш ҳамда профилактика ишларини кучайтириш зарурлиги таъкидланди.

     Шунингдек, маҳаллий аҳоли билан ҳамкорликда иш олиб бориш механизмлари муҳокама қилинди.

     Мазкур учрашув доирасида ишчи гуруҳ ва маҳаллий раҳбарлар томонидан ижтимоий хавфсиз муҳитни таъминлаш мақсадида амалга ошириладиган чора-тадбирлар режаси ишлаб чиқилди.