Ички ишлар вазирлиги Малака ошириш институти ва “Ўзбекгидроэнерго” акциядорлик жамияти билан тасдиқланган қўшма «Идоравий ҳарбийлаштирилган қўриқлаш хизмати ходимларини тайёрлов курси бўйича» ўқув дастури асосида Идоравий ҳарбийлаштирилган қўриқлаш хизмати ходимлари учун тизимли равишда тайёрлов курслари бўлиб ўтмоқда.
Идоравий ҳарбийлаштирилган қўриқлаш хизмати ходимларини тайёрлов курсларида уларнинг жисмоний ва жанговар тайёргарликларини мустаҳкамлаш билан бир қаторда, бу соҳада ўз билим ва кўникмаларини замонавий талаблар асосида ривожлантириб борилишига алоҳида эътибор қаратилмоқда. Ходимларнинг жанговар тайёргарликларини мустаҳкамлаш, олдиларига қўйилган вазифаларни аъло даражада бажаришлари учун вазирликнинг амалдаги буйруқ талабларига мувофиқ вазирлик Ўқув-дала марказида амалий ўқ отиш машқлари ўтказилди.
Ўқ отиш машғулотида ходимлар Макаров пистолетидан ўқ отиш борасидаги назарий билимларини амалиётда бажардилар. Жумладан, қуролдан фойдаланиш, масофадан ўқ отиш, мўлжал олиш ва ўқотар қуролдан моҳирона фойдаланиш учун зарур бўлган амалий кўникмалар орттирдилар.
Институт Матбуот хизмати
