Ички ишлар вазирлиги Малака ошириш институтида ҳам “Конституция — эркин ва фаровон ҳаёт гарови!” шиори остида Ўзбекистон Республикаси Конституциясининг 32 йиллиги юқори савияда нишонланмоқда. Шу муносабат билан, Институтнинг Олмалиқ шаҳридаги ўқув базасида таҳсил олаётган тингловчиларнинг қасамёд қабул қилиш тадбирида, Ватанга муҳаббат ва эл-юртга садоқат, мамлакатимиз Президентига содиқликка қасамёд қилдилар.
Тадбирда Вазирлик ва Институт раҳбарияти, профессор-ўқитувчилар, фахрийлар, кенг жамоатчилик вакиллари, тингловчиларнинг ота-оналари ва яқинлари иштирок этдилар.
Сўзга чиққан Вазирлик Маънавий-маърифий ишлар ва кадрлар билан таъминлаш департаменти бошлиғининг ўринбосари, полковник Умидбек Нуруллаев, сўнгги йилларда муҳтарам Президентимиз раҳбарлигида амалга оширилаётган ислоҳотлар натижасида ички ишлар органлари фаолияти янги босқичга чиққанлигини алоҳида таъкидлади.
Ўқув жараёни ва жамоат ишларида фаол иштирок этган тингловчиларга ташаккурномалар топширилди.
Иштирокчилар ҳам қасамёд қабул қилган тингловчиларга келгуси шарафли хизмат фаолиятларида мувафаққиятлар тилади.
Институт Матбуот хизмати
